Deddf Cwmnïau

Mae’r gwaith wedi bod yn ymestynnol dros ben i Dŷ’r Cwmnïau oherwydd maint y project, a bu pwysau arbennig ar rai meysydd gwaith. Y prif achos pryder oedd ymgorffori cwmnïau. Achoswyd tagfeydd ac oedi gan y gofynion ymgorffori newydd, ynghyd â’r materion technegol cysylltiedig. Hoffem ddiolch i’r cwsmeriaid cofrestru a fu’n gweithio gyda ni er mwyn sicrhau bod yr holl faterion yn cael eu nodi, eu trafod a’u datrys cyn gynted â phosibl wrth i ni gynyddu’r adnodd prosesu’n sylweddol a symleiddio’r prosesau.

Rydyn ni’n parhau i weithio gyda’n cwsmeriaid i ddod o hyd i atebion i’r materion sydd heb eu datrys, ac rydyn ni’n cymryd camau i liniaru unrhyw broblemau sy’n codi ar unwaith.

Ar nodyn positif, bu gwasanaethau ar-lein Tŷ’r Cwmnïau yn weithredol trwy gydol y broses ac eleni, proseswyd y nifer fwyaf o drafodion, dros ¾ miliwn ohonynt, ym mis Hydref. Yn ogystal, agorodd Tŷ’r Cwmnïau ar gyfer busnes yn ninas Belffast, lle mae’r swyddfa (Cofrestrfa Cwmnïau Gogledd Iwerddon gynt), bellach yn hollol integredig.

Nod y tudalennau gwe yma yw rhoi gwybod i chi am faterion o gylch y system, polisi ac archwilio a rhoi’r newyddion diweddaraf i chi am gynnydd o ran datrys y rhain. Diweddarwyd y wybodaeth hon ar 25/01/2010

Problem	Sylwadau
Adeg corffori a newid enw cwmni, mae enwau rhai cwmnïau yn ymddangos fel eu bod ‘yr un fath’ ag enwau cwmnïau sydd eisoes ar y gofrestr	Yn ogystal â’r chwiliad presennol ar sail enw a rhif, mae Tŷ’r Cwmnïau wrthi’n datblygu gwirydd enwau ‘yr un fath â’ a fydd ar gael trwy WebCheck, XML a Businesslink.
Memorandwm Cymdeithasu	Rhaid cyflwyno’r memorandwm ar ffurf ragnodedig. Fodd bynnag, er mwyn helpu’r cwsmeriaid i addasu i’r ffordd ddiwygiedig o weithio, byddwn ni’n derbyn memoranda nad ydynt yn statudol sy’n cynnwys cyfeiriadau’r tanysgrifwyr a swm y cyfrannau, tan 6 Ebrill 2010 yn unig. Tan 6 Ebrill 2010, bydd Tŷ’r Cwmnïau yn caniatáu i’r Memoranda gynnwys gwybodaeth nad yw’n statudol ar gyfeiriadau’r tanysgrifwyr a swm y cyfrannau.
Erthyglau Cymdeithasu	Cytunwyd bod modd derbyn datganiad hawlfraint llai ar erthyglau â darpariaethau diwygiedig neu erthyglau pwrpasol, sef: Y Gymdeithas Asiantau Cofrestru Cwmnïau Cyfyngedig 2009. Cedwir pob hawl.
Datganiad Cyfalaf	Codwyd nifer o faterion mewn perthynas â gwahanol agweddau ar y datganiad o ofynion cyfalaf. Am hynny, mae BIS wedi cynhyrchu dogfen ymgynghori. Caiff canlyniadau’r ymgynghoriad eu cyhoeddi cyn bo hir (http://www.berr.gov.uk/consultations/page53695.html )
Manylion Rhagnodedig	Bydd Tŷ’r Cwmnïau yn gwirio’r manylion rhagnodedig mewn perthynas â chyfrannau pob corfforiad. Ychwanegwyd gwybodaeth bellach ar y mater hwn at adran gyfalaf ein cwestiynau cyffredin: www.companieshouse.gov.uk/companiesAct/faq.shtml
Adferiad Gweinyddol	Caiff ceisiadau eu gwrthod os na chyflwynir yr holl ddogfennau angenrheidiol a’r ffi yr un pryd. Mae hyn yn berthnasol i gwmnïau a ddiddymwyd o dan Ddeddfau 85 a 06.